Ukrayina Tış işler naziri Andriy Sıbiğa Türkiye zenaatdaşı Hakan Fidannıñ davetinen mayısnıñ 14-nde Antalyada olacaq, dep haber etti Ukrayina Tış işler nazirliginiñ matbuat hızmeti.
«Tış işler naziri adaletli barışıqqa irişmek maqsadınen diplomatik areketlerni koordinatsiya etmek içün Ukrayinanıñ ortaqlarınen körüşüvler keçirecek. Nazir Ukrayinanıñ barışıq ğayretlerine olğan sadıqlığını qayd etti ve Rusiye eñ az 30 kün devamında tolu ve şartsız ateşkesni ve daa keniş barışıq ğayretlerini red etmege devam etse, oña qarşı basqını arttırmaq kerekligini qayd etecek», – dep haber etti etti Ukrayina nazirligi.
NATO yolbaşçısı Mark Rutte mayısnıñ 14-nde Türkiyeniñ deñiz yalısındaki Antalya kurortında NATO aza memleketleriniñ Tış işler nazirlerini 2025 senesi iyün ayında Felemenkniñ Gaaga şeerinde keçirilecek ittifaqnıñ nevbetteki sammiti ögünde resmiy olmağan eki künlük körüşüvge toplay.
ABD Devlet departamenti baş kâtip Mark Rutte «İttifaq telükesizliginiñ prioritetleri ve Rusiye-Ukrayina cenkiniñ toqtatıluvı muzakere etilecek» sammitniñ özünde iştirak etecek, dep bildirgen edi.
Körüşüv mayısnıñ 15-nde İstanbulda keçirilmesi planlaştırılğan Ukrayina-Rusiye muzakereleri ögünde ötkerilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.