Rusiye arbiyleri quralaynıñ 13-ne keçken gecesi Ukrayinanı "Şahed" tipindeki on ücüm uçağı ve Primorsk-Ahtarsktan (Rusiye Federatsiyası) kelgen farqlı tipte uçaqsız uçaqlarnen ücüm etti, dep bildirdi Ukrayina Silâlı quvetleriniñ Ava quvetleri.
"Rusiyeniñ bütün 10 uçucısız uçağı ava mudafaası tarafından muvafaqiyetnen urulıp tüşürildi", — dep aytıla bildirüvde.
Rusiye arbiyleri çeşit silâ qullanıp , Ukrayina regionlarına muntazam surette ücüm ete .
RF reberligi, Rusiye ordusı cenk vaqtında Ukrayina şeerleri ve köyleriniñ grajdan infrastrukturalarına maqsatlı darbelerini endirip, sakinlerni öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.