Mayısnıñ 10-nda «istegenler koalitsiyası» sammitinde iştirak etmek içün Kyivge barğan Büyük Britaniya baş naziri Kir Starmer Musafir qırımtatar restoranını ziyaret etti. Bu video restorannıñ Facebook saifesinde derc etildi.
İçtimaiy ağnıñ qullanıcıları qaldırğan izaatlarda Britaniya baş naziri ne sımarlağanını soradı. «Aşlarnen tanıştı: yantıq, çiberek, et», – dep cevap berdi Musafir.
Qırımtatar Milliy Meclisiniñ reisi Refat Çubarov ziyaretni «güzel ve ifadeli bir areket» dep adlandırdı.
Kyivde «istegenler koalitsiyasınıñ» toplaşuvı olıp keçti, anda dört Avropa memleketi – Almaniya, Frenkistan, Poloniya ve Britaniyanıñ liderleri iştirak etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.AqiqatnıñTelegram ve İnstagram saifelerinden taqip etiñiz.