Brükselde quralaynıñ 12-nde "Qırım aftası" açıldı, onıñ çerçivesinde panel munaqaşaları, qırımtatarlar aqqında filmlerniñ kösterilmesi, Avropa parlamentinde Qırımda insan aqlarınıñ bozuluvı aqqında sessiya ve diger tedbirler keçirilecek.
"Qırım aftasınıñ tedbirleri işğal altında yaşağan ve insan aqlarınıñ bozuluvına oğrağan, amma bir şeyge baqmadan muqavemet köstermege devam etken insanlarnıñ ikâyelerine bağışlanacaq", — dep haber ete Qırımtatar Milliy Meclisi.
Nariman Celâl açılışta çıqışta bulunıp, işğal etilgen Qırımda insan aqlarınıñ, qırımtatar halqınıñ aqlarınıñ bozulması ile ağır qıyın devam etkenini qayd etti:
"Bu sebepten, işğal etilgen topraqlardaki insanlar aqqında tüşüngenimizde, birinci nevbette topraqlarnıñ azat etilmesi aqqında tüşünmek kerekmiz. İşğal devam etkence, insanlar, olarnıñ serbestligi ve ayatları telüke astında qalacaq".
Quralaynıñ 13-nde Avropa parlamentinde "Qırım aftası" sessiyası keçirilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
