Qırımtatar Resurs Merkezi içtimaiy ağlarda qırımtatar halqı genotsidi qurbanlarınıñ 81 yıllığına bağışlanğan "Unutma yañı cinayetke yol aça" adlı "ştorm" başlata.
"Ukrayina ve halqara toplulıqqa insanlıqqa qarşı olğan deşetli cinayet, 1944 senesi qırımtatar halqınıñ genotsidi aqqında hatırlatmaq isteymiz. Qırımdan episi olıp 238 500 insan sürgün etildi, birinci yılları sürgün etilgenlerniñ 46,2% elâk oldı", — dep yaza QRM.
Qırımtatar resurs merkezi er kesni #LIBERATECRIMEA şiarınen içtimaiy ağlardaki (Facebook, Twitter, Instagram, Telegram) saifelerinde plakatlardan birini tarqatmağa çağıra.
"Bu plakatlar Qırımtatar Resurs Merkezi, #LIBERATECRIMEA Qırımnıñ işğalden azat etilmesi ve qırımtatar halqına birdemlik halqara areketiniñ faalleri tarafından işlep çıqarıldı, professional şeklini ise ukrayin ressamı Andriy Yermolenkonıñ sayesinde aldı", — dep qoştılar QRM-nde.
Keçken sene orta küz ayınıñ 9-nda Ukrayina Yuqarı Radası çetel devletlerniñ ükümetleri ve parlamentlerini 1944 senesi qırımtatarlarnıñ Qırımdan Sürgünligini qırımtatar halqınıñ genotsidi olaraq tanımağa çağırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
